Mo mus galgá dovdut?

Mii lea buorre eallin lea juohke olbmo duohken, muhto buorre dearvvašvuohta lea midjiide buohkaide vuolggasadjin. Buorit eallindábit leat dan birra ahte lea aktiivvalaš, sosiála, leat jierpmálaš borrandábit ja ahte olbmos leat buorit rutiinnat árgabeaivvis. Go it šat leat nu diliheapme ja it galgga bargui juohke beaivvi, de soaitá leat buorre jurdda ahte it eale dego livččii lávvardat olles vahku.

• Bisut buriid, árgabeaivválaš rutiinnaid. Bora dearvvašlaš ja njálgga borramuša, leage dihtomielalaš alkohola ektui ja bisut buriid oađđindábiid.
• Vuorut árgabeaivvedoaimmaid. Vácce beaivválaš doaimmaide ja ávkkástala ruonas guovlluid iežat lahkosis árgabeaivvis. Lea buorre dearvvašvuhtii fitnat lagašbirrasis, juogo finat párkkas váccašeamen, murjet meahcis, dahje várdádat mearragáttis.
• Eanaš gielddain leat heivehuvvon vázzinbálgát lagašbirrasis. Bálgát galget heivet juohkehažžii beroškeahttá sin agis ja man buori vuoimmis sii leat. Váldde oktavuođa iežat gielddain, báikkálaš olgunastinorganisašuvnnaiguin dahje álšaguovddážiin oažžun dihte evttohusaid gos sáhtát vázzit dahje gullan dihte makkár eará aktivitehtafálaldagat gávdnojit.
• Lea dehálaš vahkkosaččat hárjehallat balánssa ja dehkiid unnidan dihte riskka gahččat ja vahágahttimiid go vuorasmuvat.
• Háliidatgo rievdadit eallindábiid ja dárbbašat veahá veahki ja doarjaga? Leat álšaguovddážat máŋgga gielddas. Sáhtát váldit oktavuođa singuin njuolga, itge dárbbaš čujuhusa doaktáris.